VETA MEDIA Records 2023-cü ildə Valiyev Əkbər və Tural Əliyev tərəfindən yaradılmış müasir musiqi mediadır. Medianın əsas məqsədi Azərbaycan musiqisini beynəlxalq arenada tanıtmaq, yerli sənətçilərə geniş imkanlar təqdim etmək və onların gəlirlərini maksimum səviyyədə təmin etməkdir. VETA MEDIA Records musiqiçilərin yaradıcılıq işlərini qlobal rəqəmsal platformalarda yayımlayır, həmçinin onların hüquqlarını qorumağa xüsusi önəm verir.

Media 255-dən çox rəqəmsal musiqi platformasında paylama (distribution) imkanı təqdim edir. Bundan başqa, sənətçilərə cover dizaynı, analitika, gəlir idarəçiliyi və tanıtım dəstəyi göstərilir. Hazır mahnılar 4 həftə əvvəlcədən təqdim olunduqda bəzi musiqi platformalarında xüsusi “pitching” və promo imkanları da mövcuddur. VETA MEDIA sənətçilərin gəlirlərindən daha ədalətli pay əldə etmələrini təmin etdiyini vurğulayır və digər medialarla müqayisədə 3-4 qat artıq qazanc imkanı vəd edir.

Media həm yeni, həm də tanınmış musiqiçilərlə əməkdaşlıq edir. Onun rostrunda Ziq Zaq, Tacir Məmmədov, Edd, MURO, Fatı, HEROX, F3YD kimi ifaçılar yer alır. Sayt üzərindən yeni artistlərin demo göndərməsi mümkündür və bu da gənc musiqiçilər üçün böyük fürsət yaradır.

VETA MEDIA Records-un missiyası Azərbaycan musiqisini dünyada tanıtmaq, sənətçilərə peşəkar dəstək vermək və onların yaradıcılığını daha geniş auditoriyaya çatdırmaqdır. Media həftə içi 24 saat dəstək xidməti ilə sənətçilərin yanında olduğunu bildirir və əməkdaşlıq zamanı məxfiliyi tam şəkildə qoruyur.